Staðbundna ELDUVÍKSNEVNDIN varð vald í nov. 2008 og tók við 1. januar 2009. Nevndin hevur uml. 4 fundir um árið. Fundarfrágreiðingar verða lagdar út á heimasíðuna.

Í nevndini sita:

• Jona Michaelsen, fólkavald
• Eyðfinn Pattinson, fólkavaldur
• Dánial Martin Hansen, fólkavaldur
• Bjarni Kjeld, kommunustýrislimur
• Magnus Rasmussen, borgarstjóri og formaður í Elduvíksnevndini.

Í kommunustýrisskipanini fyri Runavíkar kommunu er hetta brot um Elduvíksnevndina:

§ 31

Elduvíksnevndin

1. petti.    At taka sær av áhugamálum í Elduvík og Funningsfirði verður vald ein nevnd við 5 limum. 

Tríggir limir valdir av og millum borgararnar í Elduvík og Funningsfirði eftir reglunum í kommunalu vallógini. Valbæri og valrætt hava tey, sum hava valrætt og eru valbær til býráðið.

Ein limur, valdur av býráðnum millum limir tess. Fimti limurin, ið er býráðsformaðurin, er føddur formaður. 

2. petti.   Mál, sum býráðið metir at hava serligan áhuga fyri Elduvík og Funningsfjørð, verða send nevndini til um­mælis, sum innan ein mánað, vegleiðir, umrøður og ger tilmæli.