Býráðsfundur
Býráðslimir: Tórbjørn Jacobsen, Kaja Joensen, Tóri Højgaard, Pauli Poulsen, Sonni L. Petersen, Terje B. Vestergaard, Jonnhild Reynholdsdóttir, Sæunn Ó. Hansen, Jonhard Danielsen, Petur Hansen og Elin Klein Joensen.
Varalimir: Jastrid Weihe, John Andersen og Reidar F. Joensen
Avboð: Tóri Højgaard, Kaja Joensen og Jonhard Danielsen
19/24: Umsókn um uppískoytisstykki til Berøa
Samkoman Berøa søkir um at keypa eitt uml. 140 m2 stórt uppískoytisstykki til samanlegging við matr. nr. 197 Glyvra bygd.
-Byggi- og býarskipanarnevndin mælir til at játta Berøa eitt uml. 140 m2 stórt uppískoytisstykki burtur av matr. nr. 176d og 219a Glyvra bygd til samanlegging við matr. nr. 197 Glyvra bygd.
-Býráðið samtykti 4/4-2024 at beina málið aftur í Byggi- og býarskipanarnevndina til viðgerðar.
20/24: Umsókn um at seta bingju á grundstykki í Leitinum
Søkt verður um fyribils at seta eitt byggimodul á matr. nr. 275c Glyvra bygd í eitt ár, ella at leiga eitt annað stykkið til endamálið.
-Byggi- og býarskipanarnevndin mælir frá at játta fyribilsloyvi til ásetan av byggimoduli á grundstykki í bústaðarøki.
-Býráðið samtykti á fundi 4/4-2024 at taka undir við tilmælinum frá Byggi- og býarskipanarnevndini.
21/24: Umsókn um byggiloyvi til bygdarhús í Skálafirði
Bygdarfelag Skálfirðinga hevur broytt ætlanina um bygging av bygdarhúsi og søkir nú um nýtt byggiloyvi til eitt uml. 121 m2 stórt hús í 1,5 plani, umframt bilhús á matr. 8a í Skálafirði.
-Byggi- og býarskipanarnevndin mælir til at játta byggiloyvi.
-Býráðið samtykti á fundi 4/4-2024 at taka undir við tilmælinum frá Byggi- og býarskipanarnevndini.
22/24: Umsókn um byggiloyvi til landstøð í Lamba
Formo søkir vegna Bakkafrost um byggiloyvi til útbygging av mannskapsrúmum og skrivstovuplássi til landstøðina í Lamba.
Orsøkin er økt virksemi og nýggj krøv frá myndugleikunum.
Talan er um at útbyggja verandi húsið við uml. 73 m2 eystur eftir.
-Vinnu- og havnarnevndin og Byggi- og býarskipanarnevndin mæla til at játta byggiloyvi.
-Býráðið samtykti á fundi 4/4-2024 at taka undir við tilmælinum frá Vinnu- og havnarnevndini og Byggi- og býarskipanarnevndini.
23/24: Status viðv. útbygging av barnaansingarøkinum
Ein arbeiðsbólkur varð settur at koma við tilmæli og heildarmeting í samband við bygging og staðseting av nýggjum dagstovnum í kommununi.
-Trivnaðarnevndin mælir til at at arbeitt verður víðari við málinum.
Byggi- og býarskipanarnevndin og fíggjarnevndin eru kunnað um uppskotið, sum eisini verður lagt fyri býráðið.
-Býráðið samtykti á fundi 4/4-2024 at taka undir við tilmælinum frá Trivnaðarnevndini og arbeiða víðari við uppskotinum, sum arbeiðsbólkurin er komin fram til.
25/24: Umsókn um taraaling á Skálafjørðinum til ummælis
Heilsufrøðiliga Starvsstovan hevur sent kommununi umsókn um taraaling á Skálafjørðinum, sunnan fyri havnarútbyggingina í Søldarfirði til hoyringar.
HFS sigur í fundarfrágreiðing, at tá frágreiðingin er góðkend av øllum pørtum, verður umsóknin um taraaling á Skálafjørðinum endaliga góðkend.
-Vinnu- og havnarnevndin tekur ikki undir við niðurstøðuni í fundarfrágreiðingini og metir, at ætlanin órógvar framtíðar ætlanir hjá Runavíkar kommunu í samband við havnarútbygging.
-Tøkni- og umhvørvisnevndin tekur ikki undir við niðurstøðuni í fundarfrágreiðingini og metir, at ætlanin samsvarar ikki við framtíðar ætlanir hjá Runavíkar kommunu.
-Býráðið samtykti 4/4-2024 at beina málið aftur í Vinnu- og havnarnevndina og Tøkni- og umhvørvisnevndina til viðgerðar.
26/24: Ítróttarstuðul 2024
Ítróttarnevndin mælir til, at ítróttarstuðulin verður útlutaður feløgunum eftir býtislyklinum soleiðis:
Bogaskjótifelagið Ørvur 17.000
Kappróðrarfelagið NSÍ 53.274
NSÍ 198.162
Skála Ítróttarfelag 134.581
Skála Róðrarfelag 19.655
Støkk 182.643
Tjaldur 45.780
Roysnið 17.000
Nápur 17.000
Hwarang Føroyar 27.905
Svanur 17.000
Sleipnir 17.000
Kongshavnar Talvfelag 17.000
Dartfelagið D9 17.000
Skálafjarðar Billiardfelag 17.000
Eysturoyar Golffelag 17.000
-Býráðið samtykti 4/4-2024 at taka undir við tilmælinum frá Ítróttarnevndini.
27/24: Eldrasamtakið Roðin – ársroknskapurin fyri 2023
-Fíggjarnevndin mælir til at góðkenna ársroknskapin hjá Roðanum fyri 2023.
-Býráðið samtykti 4/4-2024 at taka undir við tilmælinum frá fíggjarnevndini.
28/24: Skálafjarðar kommunala Sløkkilið – Ársroknskapurin fyri 2023
-Fíggjarnevndin mælir til at góðkenna ársroknskapin hjá Skálafjarðar Kommunala Sløkkilið fyri 2023.
-Býráðið samtykti 4/4-2024 at taka undir við tilmælinum frá fíggjarnevndini.